(By Workcampers Travis, Lokkk)
Workcampers一次過分享有關住宿、衣著、集合地點、機場交通等貼士！
目錄：
一：住宿
我見好多準備出發嘅workcamper都好concern住宿環境，係唔係一定要帶睡袋等嘅問題，等小弟同大家share吓啦 ！
基本結構： 今次我哋住嘅係市區Reykjavik嘅一間apartment，三層高，樓上個層基本上都係SEEDS員工/Long-term workcamper住，所以workcamper主要都係喺另外兩層活動，兩層加埋有5間睡房，碌架床為主，每間房住3-4個人左右。 P.S.如果瞓覺怕同房扯鼻鼾太勁就自備耳塞
設施方面： 每層都各有一個浴室同廚房，地底個層有洗衣機、乾衣機同晾衫位，入門口個層就有我哋主要活動嘅大廳位，所有workshop，食飯，坐底吹水都喺到做。
好重要嘅係：️屋入面係 🈚️WI-FI⭐️，所以建議大家喺香港買電話卡買張無限數據，（冰島買電話卡好貴，仲要唔夠用）😮💨。
另外好多人關心嘅就係究竟夜晚瞓覺凍唔凍！我8月去夜晚最凍都係5度左右，室內又未至於話好凍，而apartment都有被舖提供嘅，但係我自己都帶咗個0度睡袋再冚多張被先夠暖，所以如果你係好怕凍，建議帶😂
二：SEEDS OFFICE（集合點）
唔知去過冰島workcamp嘅大家覺得SEEDS office難唔難搵？ 見有朋友話就嚟去，我又覺得SEEDS office個位值得提提大家，佢個位有啲唔太顯眼，我哋第一次去集合嘅時候，miss咗兩次先發現佢響邊，就嚟仲犀利過三過家門而不入嘅大禹
因爲SEEDS office唔係好似隔離個舖面咁係當街嘅地舖，而係隱藏係巷入面嘅舖面，所以，行經呢條街嘅時候，留心啲細嘅窿位，差唔多係張圖黃色圈住嘅位
唔好諗：唔係入面丫嘛，當你搵極出面都冇嘅時候，好似唔可能嘅嘢都成為可能，你係真係要行入去先會見到SEEDS Office
PS果陣冇諗住要分享，淨係互相狂笑大家好蠢，係咁miss，咩都冇影低lol
(冰島工作營集合時間為第一日的18:00，如果買機票的話，建議你買當日早上/中午左右到達既機，預返少少時間出入境同係市中心四圍行下)
三、機場往市區交通
機場點樣到達目的地，呢個係我哋去旅行嘅一大concern 而我哋出番Reykjavík，最方便就莫過於FlyBus，而據SEEDS畀我哋嘅資料就有話FlyBus係每班機Land之後嘅35-40分鐘都會有車，所以夜一夜都唔怕要響機場過夜，搭出市中心BSÍ Bus Terminal 都係45分鐘咁上下，直接去SEEDS Office就搭去Bus stop 8 -Hallgrímskirkja，因為我早咗幾日去，所以就冇直接去SEEDS Office啦〜
（要提提大家，早咗到，SEEDS係唔會提供住宿，因為佢基本上係中午12點咁上下送走parti, 下晝4-5點又送入一批咁）
而SEEDS仲會provide個50% off discount for我哋啲workcamper 搭Flybus （建議大家買return ticket，因為就咁買單程飛會貴啲〜），折完之後圍番港紙170左右〜
而個Bus Stop都超明顯，一出機場就係巴士上面仲有大大隻字寫住FlyBus，絕對唔怕認錯 放番FlyBus個網For大家info先〜 下次再分享〜 https://www.re.is/tour/flybus/
四、準備 - 衣著（夏天）
冰島天氣一個好特別嘅地方， 就係隨時都可以轉得好快， 一日可以經過天晴又突然橫風橫雨， 啲人就話係一日可以經歷四季。我去嘅時候係8月，冰島嘅夏天，氣溫係5-12度左右。
冰島衣著行李清單
冬天衫
羽絨背心
GORE-TEX風褸
Heattec（上衣及leggings)
牛仔褲
防水衣服
防水靴子
頸巾
冷帽
厚羊毛襪
暖貼
為左保暖：
出發前買左件GORE-TEX風褸（呢個係最明智嘅決定）
帶左兩三件heattec(上衣+leggings)
冬天衫（普通香港着外衣）
一件羽絨背心
一頂冷帽
一對Tim記boot(記住防水嘅鞋真係好重要）
兩三對羊毛襪(厚襪是必須的，請相信我）
暖貼（應該有十幾塊）
日常穿着就係 Heattec（一兩日要貼暖貼）
後尾發現我帶漏咗以下防水褲（最好有，冇都生存到，不過會濕凍），頸巾（唔記得左拎）
最重要係，冰島唔止落雨會令係濕曬，所以防水衣着真係好重要！！！ 最後畀張日常圖大家，利申對照，我好怕凍，香港濕凍世一
✨今期推薦✨【冰島冬季攝影營】捕捉自然之美📷
體驗大自然｜學習攝影😍｜遊歷冰島｜組織自然攝影工作坊
了解更多冰島工作營貼士、Excursion 有咩玩、工作營做咩
