| ENG

【實習小編有話兒】我在 VolTra 的扮工日記

  
  


Hello,我係實習小編 Ashley!

原來眨下眼就已經過左兩個月,打埋呢篇文,我就唔再以「實習小編」呢個名登場啦~如果要用一個詞語去總括呢次實習,我會話「嘗試」。

仲記得岩岩黎到嗰時,義遊同事們首先了解咗我哋兩個 intern 各自有咩專長同目標,為呢兩個月嘅旅程定立方向;但係並唔係每項工作都係自己專長咖,我地有好多機會去接觸自己唔熟悉嘅活動,好似去大澳微‧義遊啦、九周年會慶等、甚或同擁有不同故事嘅人交流。慢慢發現,一個旅程即使本身有既定方向,仍然需要我哋不斷嘗試先可以豐富整個過程:試下點樣嘅做事方法最適合自己、試下獨自去探索事情、試下發掘唔同方面嘅可能性……

VolTra 比咗好大自由度我哋兩個去實踐心目中嘅想法,或者過程會撞板,但係比同事笑過之後佢地又會一齊幫你完成一件事,呢到就係一個咁得意嘅地方~

兩個月:話長唔長,但係足以令你想留喺到耐啲啲;話短唔短,少少時間已經可以嘗試唔同類型嘅事物。我呢個實習小編就話要退場啫,下個加入 VolTra 大家庭嘅可能會係你!你準備好接受挑戰,開展一段屬於你同義遊嘅旅程未呢?

最後,想同大家分享吓我同實習小編 Jack 一齊完成嘅一段片,希望大家可以些牙俾未去過但又想去 Workcamp 嘅朋友啦!



網站索引

關注我們