| ENG

不一樣的殘奧體驗

  
  


第一日到咗車站就有Leader嚟帶我同其他國際義工去殘奧場館 同行大概有十人 有日韓法德非洲人同香港人。負責嘅義工全部好好笑, 有d仲做咗殘奧義工好多年。

Workcamp有分為準備期間(24-28/5)、活動期間(29/5-1/6) 、清拆期間(2-4/6)。我地既工作會係準備期間預備活動場地; 活動期間出席開幕典禮; 比賽時幫運動員著號碼布 、帶佢地去啱嘅court 有時扶下佢地/ 推輪椅等;  頒獎典禮時會幫手攞獎牌同帶得獎者出場;  最後個日幫手做垃圾分類。特別既係我地國際義工幫手嘅運動係Bocce ,係一種法國運動 ,要求體力好小 ,所以好多殘障運動員都可以玩, 比賽只係同對手不停扔球, 扔得最近目標嘅就有分。

Workcamp中間有幾日真係會做到好攰、好想快啲返去瞓,但到咗頒獎典禮,見到運動員就算攞第四名都開心到尖叫,不斷跳上跳落,而佢哋家人全部露出好驕傲嘅神情,當時終於明白一場屬於佢地嘅奧運會對佢哋嚟講幾重要同幾難得。

圖、文:義遊人 Lea Mok Hiu Ching


比利時篇 / 義遊文集  / 2019

網站索引

關注我們