Workcampers一次過分享有關蒙古農場耕作、兒童教育、住宿、工作營準備等貼士！
目錄：
與當地小朋友交流
第一次參加蒙古嘅workcamp，出發前非常之期待，可以每日望住一望無際嘅大草原， 充滿着牛、羊同埋馬嘅山頭🐎同埋滿佈住星星嘅夜空✨，感受到大自然嘅浩瀚同埋魅力。
蒙古旅程中最值得嘅地方就係可以同一班小朋友交流😬，我哋準備咗一啲香港嘅傳統遊戲、同埋專登準備嘅玩具😎 估唔到小朋友好快就可以融入到我哋，喺陽光之下一齊玩非常經典嘅「123木頭人、麻鷹捉雞仔…」😂
體驗農耕生活
今次喺蒙古嘅工作營地方叫做Eco-Farm，係一個大草原中間嘅農場。蒙古啲地好適合種紅蘿蔔🥕同薯仔🥔。為咗佢哋可以好好長大，我哋要整好佢哋嘅生長環境，包括鬆土同埋搞水渠，同埋維護喺農場旁邊嘅圍欄😜。其實開墾地雖然辛苦，但係好睇嘅風景下做野，都算係一種享受！
蒙古包體驗
而蒙古工作營最特別嘅體驗，就係可以喺中間Excursion 嘅幾晚入住蒙古包😎，由當地嘅遊牧民族負責做host family，準備佢哋傳統嘅晚餐、邀請我哋入住溫暖嘅蒙古包😍每日起身有唔同嘅動物叫醒，絕對係一個好難忘嘅體驗！
每朝起身行出蒙古包，眼前盡是廣闊嘅大草原🖼️、起伏的山丘群🏞️，牧民忙著趕羊牛🐑🐃，真係超級放鬆同舒服！😌
Excursion期間，仲有機會去「小戈壁」之稱嘅Khogno Khan National Park🐫 登上沙丘，舉目望去就係廣袤無際、相互接連嘅沙丘，形成一個無邊無垠嘅沙漠🏜️。蒙古大自然嘅奇觀，真係非常令人嘆為觀止😍
而蒙古當地機構，更加特別安排我哋體驗點樣去整蒙古包😍，砌蒙古包一啲都唔容易，要搬土、建設支撐嘅結構、鋪上幾層嘅包圍、再去安裝唔同嘅設備。原來蒙古包係用好多羊毛包住外圍㗎，所以比起石屎屋嚟講，更加做到保暖功效😬
小貼士：喺蒙古嘅生活環境比較簡單😬 雖然未必有現代化嘅設備，不過絕對係一個好機會去體驗貼近大自然嘅簡單生活😍
而參加工作營最開心嘅，就係可以認識一班來自唔同地方/背景嘅朋友🌏一齊建立橫跨不同文化嘅友誼，絕對係一生難忘嘅經歷！
✨誠意推薦✨【蒙古工作營】
加入義遊Discord，看看Workcamper的真實分享！😍
