當飛機穿越北極圈,窗外嘅雲海染成粉橘色——我知呢個 夏天將會好唔一樣。冰島嘅陽光照住我哋嘅義工營地, 連工具棚邊嘅魯冰花都開得特別燦爛。
凌晨三點,個太陽仲掛喺火山口上面——呢個就係我嘅冰 島夏天。嚟做義工前,以為淨係嚟幫手起屋同執垃圾, 點知最後帶走嘅,係成個背囊嘅故事同十幾個國家地區 嘅友誼。
諗返起冰島呢個禮拜,手指公仲有少少起嘅觸感——係 幫當地社區起屋時,鎚仔留低嘅紀念。成班義工來自九 個唔同國家地區,第一日見面時仲係「Hello、Hi」咁生 疏,點知一齊搬完木材、油完牆之後,已經可以邊食能 量棒邊用身體語言加爛英文講笑。
「一磚一瓦都有故事」
記得第一日幫社區起木屋,德國嘅Hans教我點用電鑽唔 會整傷手,瑞士嘅Lina就用佢哋精準嘅精神度到每塊木 板分毫不差。我哋成班人由朝做到晚,成身木糠,但當 見到個local 婆婆擺住藍莓批過嚟多謝我哋時,連指甲縫 嘅油漆都變咗做勳章。
「黑沙灘上的聯合國」
諗返起冰島嘅夏天,皮膚仲記得嗰種又凍又熱嘅矛盾感 ——朝早幫手起屋時,北極風吹到面都僵,但搬木頭搬到 背脊出汗;下晝清潔黑沙灘,明明得10度,但執塑膠執 到要除樓。最搞笑係社區耕種,班歐洲義工見到冰島溫 室種出嘅迷你西瓜,個個驚訝到好似見識咗魔法咁
「舌尖上的歐洲」
由於得我一個亞洲人,我嘅乾炒牛河成為焦點(雖然有 啲ù底),法國人整嘅可麗餅精緻到唔捨得食,挪威人 竟然帶咗樽鯊魚發酵肉(Surstrômming)嚇到大家四 散,當然仲有:
– 意大利嘅Marco整咗個正宗Carbonara(堅持唔落 cream同我哋吵足半晚/同義大利pizza 唔落菠蘿既原因)
– 葡萄牙嘅João仲教我哋用麵包浸佢阿妹傳落嘅海鮮湯
– 瑞士人整咗好好食既芝士粉(朱古力一定唔要牛奶)
– 法國人整既甜品(croissant 一定要plain)
– 德國人整既好食bread dumpling
「營火圍爐取暖大會」
最暖心係深夜營火會,大家傳住飲同一壺冰島苔蘇茶, 意大利人教我用手指測量午夜太陽嘅角度,而家諗返都 聞到柴火混住藍莓醬嘅香氣。大家拎住冰島啤酒講心底 話。法國仔突然話:「你知唔知?你教識我哋最正嘅廣 東話係『食咗飯未』——因為我哋而家真係會關心彼此有 冇餓親。」嗰刻先明,原來世界大同唔係口號,而係當 你同挪威人share同一對勞工手套、意大利人同你爭食最 後一啖牛河時,自然會發生嘅魔法。
「在火山口看永晝日落」
最瘋狂係凌晨三點衝去Fagradalsfjall火山。熔岩地仲冒 住硫磺煙,但當粉紫色嘅日落同初昇晨光同時出現,成 班人呆咗。德國仔突然拎出預先藏好嘅熱可可,瑞典姊 妹唱起民謠,而我哋嘅影子被拉長到火山口邊——原來北 極圈嘅夏天,連時間都可以被融化。
(後記:而家每次炒牛河,都會諗起冰島嗰隻識偷食嘅 羊,同埋班義工朋友用十幾種語言講「好味」嘅亂 況……………而家每次聞到木糠味,都會諗起冰島嘅松木香, 同埋班癲佬齊聲隘「頂硬上」嘅畫面
It’s easy to say hello but it’s too hard to say goodbye
Btw 冰島真係好撚正!畫得幾靚?
圖文：義遊人Benji
你都想探索世界，親身為社會出一分力？
想了解更多呢啲義遊項目詳情（例如舉行日期、費用、報名方法）？快啲瀏覽以下連結啦！
